四川菜絕對係我對中菜最愛呀！以麻、辣兩者之間
黎刺激味蕾感觀，加埋鮮、香造成一種惹味既地道
美食，我自細就有培養舌頭接觸食辣既習慣，
我個人可接受麻辣既程度都算係頗高，今次黎到遠近
馳名既銅鑼灣川菜店-"川府宴"地方雖然唔算好大，
但環境勝在夠闊落，裝潢夠哂型格，環繞紅黑主色調，
四川面譜做裝飾，內外都有種神秘而深不可測既氣氛！👇
-
📌 涼拌茄子 - $68
👉 以冷盤黎講，凍茄子絕對好適合用黎做開胃前菜，
師傅先將茄子切幼條呈上，口感清新又有咬口，
淋上大量香葱同辣油，每啖茄子肉都沾滿辣油既香辣味，
夏天口淡淡，整返呢個辣味小食絕對係個人推薦！
-
📌 涼拌麻辣魷魚 - $68
👉 以大量芫茜、芝麻、辣椒同埋辣油撈埋，
一見到咁多芫茜已經有種滿足感，魷魚切粒質感好彈牙，配合早已吸收哂辣汁精華既芫茜，帶到種清新香味之餘，
又有種辣中帶甜既惹味感覺，整體既層次感絕對係川菜既靈魂之一呀！
-
📌 酸辣土豆絲 - $88
👉 土豆絲又係撈飯一流既，將薯仔切幼絲炒到微微金黃，
家常小炒，酸而不辣，濃而不淡，連呀叔都讚好呀！
-
📌 大大粒辣子雞 - $108(細)
👉 話明大大粒，份量當然夠足料啦！
將炒香左既花花椒乾、辣椒乾炒埋，
成碟都傳黎濃郁辣香味，鹹香鮮味夠哂出，
一樣都要撈返個白飯夠哂爽皮呀！
-
📍 川府宴
🎈銅鑼灣登龍街28號永光中心25樓
Search